ZaRa

طبعا هالطبخ الذيذة مرره و الدسمه مرررره اخذتها من بيو بنت عمو
اللي هي اصغر مني  بس ماشاء الله عليها بالطبخ  لا يعلى عليها
يقووولك يوضع سره في اضعف خلقه

المهم صورت لكم المقادير والطريقة و التصوير لكم عليه شوي   من الحوووسه اللي حسيتها خخ
بس لاني ناويه اصير سنعة شكلي رح انحاس كثير بس اوعدكم بطبخات غيرها

نبدأ بالمقادير :
1| 4 حبات بطاطس .
2| حبتين بصلة متوسطة .
3| فصين ثووم << إضافه من عندي لان احب طعمه بالاكل
4| بيالة زيت << هذي اللي نسيت اصورها خخ .
5| حبه ماجي .
6| ثلاث ملاعق جبن سائل .
7| علبة قشطة.

8| بهارات اي نووع تحب .

الطريقة :
1/ أول شي نبدأ  نقشر البطاطس ونقطعها مكعبات متوسطة الحجم ونقليها بالزيت ثم  نصفيها ., ونخليها ع جنب

2/ نقطع الدجاج  لمكعبات ,فيه دجاج جاهز منوع العظم واذا لا نشيل العظم ثم نقطعه و نحطها بالتاوه ونشوحها ع النار ونضيف شويت زيت ثم
نضيف البصل والثوم ونحط البهارات ومرقة ماجي  ونخليها ع نار هاااديه  انا حسيت انها تحتاج شويت مويه فأضفته عليها شوي, تقريبا نخليها ع النار نص ساعه
او اكثر ع حسب الكمية بعد كذا تكون إستوت ., ونخلية ع جنب .

3/ الخلطة  نحط 3 ملاعق جبن وعلبة قشطة ونخلطها مع بعض فيه ناس يحبو المايونيز انا ما احبه عشان هيك ما حطيته .,
4/ الحين نجيب صينية البايركس ونحط اول طبقه البطاطس ثم نحط فوق البطاطس الدجاج ثم نحط الخلطة وبعد كذا نحطها بالفرن ع نار متوسطة
من فوق وتحت لمدة عشر دقايق وانتبوووو عليها لا تحرق زي حقي طبعا اقصد الخلطة الطبقه الاولى وكلوها مع خبز مفروود
وبس كذا  ..

وبالهناء والعافيه

الوسوم: zara, بطاطس, دجاج, زارا, صينية, صينية الدجاج بالبطاطس, صينية بطاطس, صينية دجاج

هذه التدوينة نُشرت في السبت, 27 فبراير, 2010 عند 1:47 ص و مصنفة تحت تصنيف ♠| Cooking |♠. يمكنك متابعة أي تعليقات عبر رابط RSS 2.0. يمكنك ترك تعليق, أو تعقيب من مدونتك.